İşğal etilgen Sevastopoldan (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addan) çeliknen yüklengen VIKTOR ZABELIN gemisi Suriyege yol ala.
SeaKrime leyhasınıñ jurnalisti Katerina Yaresko bunı bildirdi.
"VIKTOR ZABELIN (IMO: 9210256) işğal etilgen Sevastopoldan (Aqyardan — terciman) Tartus (Suriye) şeerine sıcaqdan işlenilgen çeliknen yüklenip, ekinci seferini yapa", — dep o yazdı.
Bu yüknen daa bir seferni KAPITAN YAKOVLEV gemisi yaptı.
VIKTOR ZABELIN gemisi AQŞnıñ sanktsiyaları altında buluna.
Hatırlatamız ki, bundan evel Yaresko, mayısnıñ 5-nde işğal etilgen Sevastopolda (Aqyarda) "Avlita" ububat terminalında boğdaynen yüklegen LAMAR S gemisiniñ Sent-Kitts ve Nevis bayrağı altında Tartus limanına ketkenini bildirdi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
