Mayısnıñ 16-nda saat 11:00-da işğal etilgen Qırımnı Rusiyenen bağlağan 12 tren keç kele. Saat 2:27-de işğalciler Qırım köprüni qapattılar. Trenler saat sekizge qadar keç kele.
"Grand Service Express" demir yol bağınıñ bozuluvı aqqında Telegramda haber etti.
"Qırım köpründe areket vaqtınca toqtatılğanı sebebinden "Tavriya" trenleri toqtaldı. Seyaatlar 4 saatten çoq qalğan yolcularğa aş ve suv berile. Keçikme vaqtı deñişe bilir", — dep haberde qayd etildi.
Saat 11:00-da Qırımğa 7 tren keç kele, ortalama 2 saatten 8 saatke qadar keç kele. İşğal etilgen yarımadadan 5 tren 3 saatten 8 saatke qadar keç kele.
Hatırlatamız ki, mayısnıñ 16-na keçer gecesi işğal etilgen Qırımda ve Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ava telükesi ilân etildi. 02:27 itibaren Qırım köprüsi qapatıldı.
İşğal etilgen Qırımda ava telükesi mayısnıñ 15-i saat 18:57-den mayısnıñ 16-sı saat 05:29-ğa qadar devam etti.
İşğalli Sevastopol (Aqyar) "gubernatorı" Razvojayev 03:20-den 04:23-ke qadar ava telükesi aqqında haberdar etti.
Rusiye Mudafaa nazirligi Qırım, Qara deñiz ve Rusiyeniñ 16 bölgesi üzerinde 138 uçucısız uçaq aletini tüşüşrgeni aqqında bildirdi.
Ukrayina tarafı Qırımğa ücümni şimdilik izaatlamadı.
Nezaret etici Telegram kanalınıñ malümatına köre, Qırım köprüni qapatqanda işğalciler bütün ışıqlarnı söndürdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
