Mayısnıñ 16-na keçer gecesi işğal etilgen Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerinde ava telükesi ilân etildi. Saat 02:27-den başlap Qırım köprü qapatıldı. Haber etilgen vaqıt qanunsız keçit qapatılğan edi.
Keriç köpründeki vaziyet aqqında operativ malümat Telegram kanalında bu malümat bildirildi.
İşğal etilgen Qırımda ava telükesi mayısnıñ 15-i saat 18:57-den mayısnıñ 16-sı saat 05:29-ğa qadar devam etti.
İşğalli Sevastopol (Aqyar) "gubernatorı" Razvojayev 03:20-den 04:23-ke qadar ava telükesi aqqında haberdar etti.
Rusiye Mudafaa nazirligi Qırım, Qara deñiz ve Rusiyeniñ 16 bölgesi üzerinde 138 uçucısız uçaq aletini tüşüşrgeni aqqında bildirdi.
Ukrayina tarafı Qırımğa ücümni şimdilik izaatlamadı.
Nezaret etici Telegram kanalınıñ malümatına köre, Qırım köprüni qapatqanda işğalciler bütün ışıqlarnı söndürdiler.
Hatırlatamız ki, Ukrayina Silâlı quvetleriniñ insansız sistemalar quvetleri, mayısnıñ 15-nde gece işğal etilgen Qırımdaki Hutorok mesken yerinde "Pantsir-S1" ZRTKniñ zarar körgenini bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
