"Ateş" arbiy-partizan areketi işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye Qara deñiz flotunıñ silâ saqlavı içün qullanğan obyekt tapılğanını bildirdi. Bu, Fiolent burunındaki sabıq ukrayin arbiy bölüginiñ toprağıdır. Qayd etilgenine köre, ukrayin dronları tarafından yapılğan ücümler sebebinden işğalciler silâ anbarlarını gizli yerlerde saqlamağa mecburlar.
"Ateş" arbiy-patritsan areketi bunı bildirdi.
"Agentlerimiz, 4K51 "Rubij" yalı raketa kompleksini işletip turğan Ukrayina Silâlı quvetleriniñ 25-inci ayrı raketa divizionınıñ sabıq ukrayin arbiy qısmınıñ toprağında, Sevastopol (Aqyar — terciman) civarında Fiolent missiyasında arbiy obyektniñ tafsilâtlı teşkerüvini keçirdiler. Bugün bu topraqta Rusiye arbiy hızmetçileriniñ faaliyeti qayd etile — obyekt silâ saqlav içün qullanıla. Koordinatlar: 44.519893517371045, 33.48950916789377", — dep haberde qayd etildi.
"Ateş"niñ malümatına köre, anda anbarlarnıñ ve tehnika saqlav yerleriniñ yerleşüvi, yük naqliyatınıñ kiriş ve çıqış yolları qayd etildi.
"Çalışma saatleri belgilendi: eñ çoq saba ve aqşam saatlerinde çalışalar. Bütün toplanğan malümat Ukrayina Mudafaa quvetlerine berildi. Ukrayina dronlarınıñ daimiy basqısı neticesinde ananeviy anbarlar pek zayıf oldı — duşman silânı profilsiz, tıştan körünmegen obyektlerde saqlamağa mecbur", — dep areket añlattı.
Hatırlatamız ki, USQniñ Baş ştabınıñ malümatına köre, mayısnıñ 14-ne keçer gecesi işğal etilgen Qırımda Rusiyeniñ maddiy-tehnikiy vastaları Perevalne şeerinde ücüm etildi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
