Ukrayinada Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) arbiy bölükniñ sabıq komandanı devlet hainligi ve qaçqanı içün mahkeme etilecek. Oña 15 yılğa qadar azatlıqtan marum etüv cezası ve mülkiyetiniñ musadere etilmesi üküm etile bilir.
Mayısnıñ 15-nde Cenübiy bölgeniñ mudafaa saasında ihtisaslaştırılğan prokurorlığı bunı bildirdi.
"Cenübiy bölgeniñ mudafaa saasında Odesa mahsus prokurorlığınıñ protsessual yolbaşçılığı içün mahkemege A4424 arbiy qısmınıñ sabıq komandanına qarşı qabaatlav aktı yollanıldı (18-inci gemi diviziyası, Sevastopol arbiy-deñiz bazasınıñ teminlevi (Sevastopol ş.). O, devlet hainligi ve qaçqanında qabaatlana (Ukrayina Ceza qanunnamesiniñ 111-inci maddesiniñ 1-inci qısmı, 408-inci maddesiniñ 1-inci qısmı)", — dep haberde qayd etildi.
Tahqiqat bildirdi ki, 2014 senesi saban ayında arbiy bölükniñ hadimleriniñ umumiy taqip etilüvi vaqtında qabaatlanğan şahıs Ukrayina Silâlı quvetlerinde arbiy hızmetke devam etmekten red etip, Rusiye ordusında hızmet etmege niyetlengenini bildirdi.
"48 yaşındaki 2-nci dereceli kapitan, bölükniñ qıtaiy Ukrayinadaki yañı yerleşüv yerine kelmedi. Cenk antına sadıq qalmayıp, o, bilerek duşman tarafını tuttı. Bundan soñ qabaatlanğan RF Silâlı quvetlerine hızmetke kirdi, anda çeşit vazifelerni eda etti, şu cümleden 99608 nomeralı arbiy qısmınıñ qıdıruv ve qaza-qurtaruv işleri hızmetiniñ yolbaşçısı oldı", — dep prokurorlıq qoştı.
Oña qarşı qabaatlav maddeleri boyunca 15 yılğa qadar azatlıqtan marum etüv ve mal-mülkniñ musadere etilmesi cezası berilir.
Saytnıñ qayd etkenine köre, söz Mihaylo Krıvkanıñ aqqında kete. Qırım işğaline qadar A4424 arbiy qısmında hızmet etken edi, A3073 arbiy bölüginiñ (Sevastopol ş.) idaresinde A4424 (18-inci ayrı gemi teminleme diviziyası) komandanı vazifesinde bulunğan edi, rütbesi: 2-nci derece kapitanı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
