İşğalciler işğal etilgen Qırımnıñ eki sakini tutqanlarını bildirdiler. Olarnı "devlet hainligi"nde qabaatlaylar. Rusiye quvetçileri, olardan biriniñ "Ukrayina istihbaratına Rusiye ordusınıñ yerleşüv yerleri aqqında malümat bergeni", digeriniñ ise "Ukrayina Devlet sıñır hızmetinen işbirlik yapqanı"nı iddia eteler.
TASS Rusiye devlet agentligi, FSBRusiye Federatsiyası Federal Havfsızlıq hızmetige atfı etip, bu aqqında yazdı.
RF FSBniñ versiyasına köre, Perekop (OrRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında yaşağan 50 yaşındaki erkek ukrayin istihbaratına Rusiye ordusınıñ yerleşüv yerleriniñ fotoresimleri, videoları ve koordinatlarını berdi.
Diger qanunsız yaqalanğan adam — 63 yaşındaki Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) sakini. İşğalciler onıñ "Ukratina Devlet sıñır hızmetinen işbirlik yapqanı"nı ve "arbiy tehnika ve mudafaa obyektleriniñ avuştırıluvı aqqında haber etkeni"ni iddia eteler.
"Belgilengenine köre, 1975 senesi doğğan Perekop (Or — terciman) rayonınıñ sakini Telegram vastasınen Ukrayina Mudafaa nazirliginiñ Baş istihbarat idaresiniñ vekili ile bağ qurdı ve oña foto ve video malümatlarını, RF Silâlı quvetleriniñ obyektleriniñ yerleşüv yerleriniñ koordinatlarını berdi. Ekinci şübelengen adam, 1962 senesi doğğan Simferopol (Aqmescit — terciman) sakini, İnternet vastasınen Ukrayina Devlet sıñır hızmetinen bağlanıp, agentlik adını qullandı ve Qırım yarımadasınıñ topraq mudafaası vekilleriniñ şahsiy malümatını bermege razı oldı. Kuratornıñ emrinen o, ileride diversiya ve raketa-top ücümleri içün qullanıla bilecek Rusiye arbiy tehnikasınıñ ve RF Silâlı quvetleriniñ mudafaa obyektleriniñ areketleri aqqında malümat berdi", — dep Rusiye tarafınıñ haberinde qayd etildi.
İşğalciler olarğa qarşı Rusiye Ceza qanunnamesiniñ 275-inci maddesine istinaden cinaiy dava açtılar ve apiske aldılar.
Telegramında TASS, olarnıñ qanunsız tutulması ve "sorğu" videoları derc etti.
Qırımtatar resurs merkezi, işğalcilerniñ böyle areketleri qanunsız ve insan aqlarınıñ sistematik bozuluvınen bağlı olğanını bildirdi.
"QRM işğal etilgen Qırımda bu kibi tevqiflerniñ qanunsız olğanını ve insan aqlarınıñ muntazam bozuluvı olğanını defalarca bildirdi. Qayd etmek kerek ki, mabüsler sıq-sıq advokat, tuvğanları ile bağ ve mustaqil imaye imkânları olmağan kommunikatsiya şaraitte tutula. Rusiye uquq qorçalayıcı organları dava tafsilâtlarını gizlemege devam ete, yani tutulğanlar aqqında tolu malümatnı derc etmey, olarnıñ yüzlerini köstermey ve cemaat ve uquq qoruyıcılarnıñ olarnıñ alı ve bulunğan yeri aqqında malümatqa irişimini sıñırlay", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
