2025 senesi yazda ğayıp olğan Qırımnıñ Krasnoperekopsk sakini Dmıtro Kolâdanı Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) 2-nci SİZOda taptılar.
Qırımtatar Resurs Merkeziniñ idarecisi Zarema Bariyeva bunı bildirdi.
Onıñ aytqanına köre, adamnıñ bulunğan yeri aqqında malümat onı tutıp alğanından bir qaç ay keçken soñ peyda oldı.
Söz 1996 senesi doğğan Ukrayina vatandaşı Dmıtro Kolâda aqqında kete, o, 2025 senesi arman ayında tutulğan edi. Şimdi o Simferopolnıñ (Aqmescitniñ) 2-nci SİZOda tutula.
"O, Qırımda Krasnoperekopskta doğdı ve büyüdi, ve qabul etmegeni işğal vaqtında o, 17 yaşında edi", — dep Bariyeva qayd etti.
O şunı da ayttı ki, Kolâdanıñ qorantası mürekkep bir tarihqa saip: ana-babası ayırılğan soñ, o, anasınen Qırımda yaşamağa qaldı, babası ise qıtaiy Ukrayinağa köçti. Dmıtro orta tehnikiy tasilini Ermeni Bazarda aldı.
"Aqrabaları 8 ay devamında onıñ bulunğan yeri aqqında iç bir şey bilmey edi, ve bugünge qadar Dmıtro tuvğanlarınen bağlanıp olamay, çünki o, inkommunikado statusında buluna", — dep QRMniñ idarecisi qayd etti.
Bariyevanıñ aytqanına köre, Kolâdanıñ sabıq mahkümatı yoq edi ve şimdi tış dünyanen alâqası olmağan şaraitte apiste buluna.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
