İşğal etilgen Qırımda adetince mayıs bayramlarından soñ başlanğan kurort mevismi bu sene bir qaç sebepten, şu cümleden havfsızlıq meselesi ve ava şaraiti sebebinden, muvafaqiyetli oldı.
Qırım yerşınas-ekskursiyacılarından biri "Qırım.Aqiqat"qa anonim şekilde bu aqqında haber berdi.
Onıñ aytqanına köre, bayram künleri yarımadağa kelgen turistlerniñ sayısı adetince bayağı az edi. O, bunı bir qaç faktornen añlata: yaramay ava, logistika sıñırlavları ve havfsızlıq vaziyeti.
"Men er vaqıt mayıs bayramlarını ilhamnen bekleyim, o zaman Qırımda mesvim başlanır ve turistler kütleviy şekilde kelip başlarlar. Amma bu sene er şer turistlerniñ kelmesine mania oldı — suvuq ava, Keriç köprüniñ sıq sıq qapatılması, Qırımğa muntazam ücümler aqqında haberler", — dep yerşınas añlattı.
O şunı da qayd etti ki, yarımadada arbiy obyektlerniñ zarar körgenine ve kütleviy ücümlerniñ olğanına dair haberler, ziyaretçilerniñ kelmesini daa da sıñırlay.
"Ayrıca, Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) neft bazasına ve Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) yanındaki SESna ücümler kibi, Sevastopolğa (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adğa) kütleviy ücüm. Bütün bunlar, turistlerniñ kütleviy kelmesine tesir etti. Bu sebepten çiçek ayınıñ birinci raatlıq künleri işsiz qaldım — ananeviy siparişler yoq edi, çoq ayırtmalar bayramlardan evel lâğu etildi", — dep bildirdi o.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
