İşğal etilgen Qırımda Ukrayinağa qarşı cenk şaraitinde teşviqat aleti olaraq daa faal qullanılğan Rusiye Pravoslav kilsesiniñ ideologik tesiri quvetleşe.
"Qırım sesi" neşiri bu aqqında haber berdi.
Hususan, işğalciler tarafından teşkil etilgen RPKRusiye Pravoslav kilsesiniñ "Qırım mitropoliyası" yerli sakinler arasında siyasiyleştirilgen müderecesinen yañı ibadet malümatlarını tarqata. Neşirniñ malümatına köre, bu metinlerde inanğanlarnı Rusiyeniñ Ukrayinağa qarşı cenkte ğalebe qazanması içün dua etmege çağıralar.
"Qırım sesi"niñ bildirgenine köre, saban ayında Rıbaçe (Tuvaq) köyünde yerli ibadethaneniñ papazı İğor Silçenkov tarafından teşkil etilgen bir missionerlik aktsiyası keçirildi. Tedbir vaqtında yerli sakinlerge ve turistlerge "ğalebe içün dua" adlı kitapçıqlar berildi, menbalarnıñ malümatına köre, olarnı liturgiyalar vaqtında RPKniñ patriarhı Kiril Gundâyevniñ hayır duasını oquylar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
