Ukrayinada, nazirniñ Qırımdaki işğalcilernen işbirlik yapqan işğalli muavinini 10 yılğa qadar apiske aldılar. Onı duşmannen işbirlik faaliyetinde qabaatladılar.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Prokurorlıq 2023 senesi orta küz ayında mahküm etilgenniñ duşman teklifine razı olıp, işğalli nazirlikte yolbaşçılıq vazifesini alğanını isbatladı. Öz vazifelerini eda etip, "memur" bugünge qadar duşmannıñ köy hocalığı saasında siyasetini amelge keçire, em de işğalli akimiyet organınıñ faaliyetini temin ete", — dep haberde qayd etildi.
Bundan da ğayrı, prokurornıñ haber etkenine köre, mahkeme oña 10 yıllıq apis cezasını berdi ve mülkü müsadere etilecek.
Bundan ğayrı, o, devlet akimiyeti ve idare organlarında, yerli öz-özüni idare etüv organlarında 10 yıl devamında vazifeler tutmaq aqqından marum etildi. Suspilne Qırım menbalarınıñ malümatına köre, Volodımır An aqqında söz yürsetile.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
