Ukrayina SQniñ Mahsus Operatsiyalar quvetleri bildirdi ki, çiçek ayınıñ 28-ne keçer gecesi Middle-strike bölükleriniñ uçucısız uçaq aletleri işğal etilgen Qırımnıñ Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) civarında "İskander" operativ-taktik raketa kompleksleriniñ saqlanuv yerlerine urdı.
USQniñ MOQniñ komandanlığı Facebookta bunı bildirdi.
"Sırlanğan tehnika işğal etilgen Simferopolnıñ (Aqmescitniñ — terciman) şarqından 40 kilometrlik Ovrajka qasabası yanındaki sabıq raketa bazasında yerleşken edi. O yerden raketalar bir qaç daqqa içinde Ukrayina cebesi ve şeerlerine yetip ola ediler. "Qarşılıq areketiniñ gizli hadimleri defalarca bu yerden duşman raketalarınıñ atılmasını qayd etken edi", — dep haberde qayd etildi.
Daa evel Ukrayina Silâlı quvetleriniñ Baş ştabı bildirdi ki, Ukrayina mudafaa quvetleri duşman canlı quvetleriniñ toplaşuvına Ovrajka köyü yaqınlarında ücüm etti.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
