İşğalli quvetçileri işğal etilgen Keriçli pensiyacını tevqif ettiler, birazdan ise Rusiyede onı müstemlekede 6 yılğa qanunsız şekilde mahküm ettiler. Bildirildi ki, o "mayısnıñ 9-ndaki parad vaqtında Moskvadaki Krasnaya ploşçadğa dronlar vastasınen ücüm etmege çağırğan edi."
TASS rusiye devlet agentligi bu aqqında haber berdi.
"Cenübiy bölge arbiy mahkemesi (Rostov-na-Donu ş.), RF CQniñ 205.2-nci maddesiniñ 2-nci İnternet ağınıñ qullanuvınen terroristik faaliyetke çağıruv, terrorizmni aqlav ya da terrorizm teşviqatıqısmına binaen Keriç sakinini qabaatlı tanıdı ve umumiy rejimli müstemlekede altı yılğa mahküm etti", — dep haberde qayd etildi.
TASSniñ malümatına köre, 1962 senesi doğğan adam pensiyağa çıqtı — onıñ Ukrayina Devlet sıñır hızmetinde çalışqanını iddia eteler.
Rusiyede o, sanki "Ğalebe paradı keçirilgende Krasnaya ploşçadğa UUAuçucısız uçaq aletileri vastasınen ücüm etmege çağırğan" tefsirlerni Telegramda yazğanı seneninden qanunsız şekilde mahküm etildi.
Hatırlatamız ki, 2025 senesi ilk qış ayınıñ 16-nda işğalli FSB deñiz naqliyatı şirketlerinden biriniñ sabıq hadimi olğan pensiyacını tutqanını bildirdi. O zaman olar bildirdiler ki, 1962 senesi doğğan adam Ukrayina havfqızlıq hızmetiniñ sabıq hadimi ola ve "Ğalebe paradı vaqtında Moskvadaki Krasnaya ploşçadğa dron vastasınen ücüm etmege" çağırğan edi.
İnsan aqları teşebbüsi "Tribunal. Qırım epizodı" qayd ete ki, söz UDSHniñ degil, UHHniñ sabıq hadimi Serğiy Obuşnıy aqqında yürsetile. Onıñ malümatına köre, çiçek ayınıiñ 23-nde ruslar qanunsız üküm çıqardılar.
"Serğiy Obuşnıynıñ taqip etilmesinde halqara gumanitar uquqnıñ bir qaç bozuluvı körüne. Birinciden, o, Rusiye Federatsiyasınıñ arbiy tecavuzına qarşı çıqqanı içün mahküm etildi (terrorizmni aqlamaq kibi bir şey degil). Ekinciden, onı işğal etilgen topraqtan tış mahkeme eteler, bu ise Jeneva şartnamesi tarafından yasaq etile. Üçünciden, onı silâlı zıddiyetniñ qarşı tarafını temsil etken ve obyektiv sayılmağan Rusiye mahkemecisi Valeriy Opanasenko mahküm etti. Keriçli pensiyacınıñ taqip etilüvi içün qabaatlılar ya arbiy cinayet olaraq, ya da, vatanperverlik içün taqip etilgen insanlarnıñ miqyasını köz ögüne alıp, insanlıqqa qarşı cinayet olaraq mesüliyetke çekilecek", — dep teşebbüsniñ haberinde bildirildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
