Ukrayina işğal etilgen Qırım ve Rusiye toprağındaki neft astyapısı ve arbiy obyektlerge ücüm etmek içün Rusiye AMSnıñ aşırı çalışmasını semereli qullana.
Çiçek ayınıñ 26-nda Amerika cenk taqiqatı institutınıñ maruzasında bu aqqında aytıla.
"Ukrayinanıñ uzaq mesafeli ücümler kampaniyası, Rusiye ava mudafaası sistemalarını qullanıp, Rusiye ve işğal etilgen Qırımdaki arbiy obyektlerge zarar ketirmek içün devam ete", — dep müessise analitikleri yazalar.
Hatırlatamız ki, UHH bildirdi ki, çiçek ayınıñ 26-nda gece Rusiye Qara deñiz flotunıñ Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) arbiy-deñiz bazasında ve Qırımdaki "Belbek" arbiy ava limanında bir sıra müim arbiy maqsatlarğa zarar ketirildi. Hususan, üç arbiy gemi, bir qırıcı uçaq ve AMS obyektleri zarar kördi. Ukrayina havfsızlıq hızmeti çiçek ayınıñ 26-nda Facebook saifesindebunı bildirdi.
Saban ayınıñ devamında, Suspilne Qırım jurnalistleri Baş ştab, Bİİ, Mahsus operatsiyalar küçü ve insansız sistemalar quvetleriniñ bildirgenine köre, işğal etilgen Qırımda Rusiyeniñ arbiy obyektlerine eñ az yarım yüz zarar ketirgenini saydılar. Ukrayina arbiy hızmetçileri Rusiye Federatsiyasınıñ ava mudafaasını, olarnıñ yüzici gemilerini, raketa ve uçurıv qurulışlarını yoq ettiler. Bu ücümlerniñ manası ne olğanını ve Mudafaa quvetlerimiz ne içün azırlanğanını maqalede oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
