Ukrayina, vaqtınca işğal etilgen topraqlarda, hususan Qırımda, elde etilgen mektep oqutuv neticeleriniñ tanılmasını kirsetti. Bu, talebelerge belgilengen protseduralardan keçken soñ, tasil aqqında ukrayin vesiqalarını almağa imkân berecek.
Ukrayina prezidentiniñ Qırım Muhtar Cumhuriyetindeki temsilciligi bu aqqında bildirdi.
Vesiqa çiçek ayınıñ 13-nde Adliye nazirliginde qayd etildi. O, ukrayin mektepleriniñ, Rusiye Federatsiyası ve Ukrayinağa qarşı sektoral sanktsiyalar kirsetilgen memleketlerden ğayrı, şahısnıñ bulunğan yerine baqmadan, VİET-da elde etilgen oquv neticelerini qayd ete bilecek mehanizmni belgiley.
Oquvnı tasdıqlamaq içün ariza, tasil beyannamesi ve ilâve vesiqalar ya da malümat berilmeli. Böyle muracaatlarnı saylanğan tasil müessiseleri ya da olarnıñ bölükleri, vekâletli müessiselerniñ vazifesini eda etip, baqacaq.
Derslerniñ bir qısmını tasil beyannamesi esasında ğayrıdan qayd etmek mümkün. Aynı zamanda er yıl ukrayin ilimleri ögrenüvinden qıymet kesüv mecburiy qala.
Diger fenlerniñ neticeleri "attestatlı" olaraq qayd etile bile ya da qanunğa köre 12 balllı miqyasda qıymetlendirile bile.
Bundan da ğayrı, tedbirlerniñ cedvelge köre, hususan uzaqtan keçirilmesi mümkün. Bütün basamaqlar yekünlengen soñ tasil müessiseleri ukrayin tasil aqqında vesiqalarnı bere bilecekler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
