Mayıs bayramları arfesinde Rusiye akimiyeti Qırım köpründe nezaretni quvetleştirdi. Bütün naqliyat vastaları, yolcular ve yük 100% teşkerüvden keçmeli.
Rusiye Naqliyat nazirligi bunı bildirdi.
Nazirlik qayd etti ki, Qırım köprüni keçkende bütün maşnalar, insanlar ve olarnıñ eşyaları baqılacaq. Teşkerüvler mahsus donatılğan meydançıqlarda keçirile.
Köprüden B kategoriyasındaki yengil maşnalar, mototsikl, yolcu minivenleri ve mikroavtobuslar keçe bile. Aynı zamanda 1,5 tonna ağırlığında yük maşnaları, ticariy mögedeknen maden yük maşnaları ve ticariy taşımalarğa deñiştirilgen yolcu furgonları yasaq etile.
Rusiye Naqliyat nazirligi gibrid ve elektrik maşnalarnıñ areketini yasaq ete. 60×70 sm-den büyük olmağan yük taşığan maşnalar elnen baqılmasına yollanıla. Büyük yüklernen naqliyat, stantsiyalı teşkerüv-nezaret kompleksinde teşkerile.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
