Çiçek ayınıñ 23-ne keçer gecesi Ukrayina Mudafaa quvetleriniñ bölükleri vaqtınca işğal etilgen Qırımnıñ Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) mesken yeri rayonında P-18 radiolokatsiya stantsiyasına ücüm etti.
USQniñ Baş ştabı bu aqqında haber etti.
Baş ştabnıñ malümatına köre, aynı şu gece Donetsk vilâyetiniñ vaqtınca işğal etilgen toprağınıñ Sartana mesken yeri civarında raketa-top silâsı ve maddiy-tehnikiy vastalar anbarı zarar kördi.
Bundan da ğayrı, vaqtınca işğal etilgen Luğansk vilâyetiniñ Voznesenivka rayonında yaqarlıq ve yağ malzemelerinen eşelon uruldı. Ukrayin arbiy hızmetçileri Harkiv vilâyetiniñ Strileça mesken yeri civarındaki duşman UUAleriniñ idare noqtasına da ücüm ettiler.
Hatırlatamız ki, çiçek ayınıñ 22-ne keçer gecesi Ukrayina Mudafaa quvetleriniñ bölükleri Rusiye quvetleriniñ hususan işğal etilgen Qırımdaki bir sıra arbiy obyektlerine zarar ketirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
