"Kapitan Yakovlev" gemisi işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) tahminen 4 biñ tonna qızdırılğan çelikni yüklep, Tartus adlı Suriye limanına yol aldı. Bu işğal etilgen Qırım ve Suriye arasında deñiz alâqasınıñ devam etkenini köstere.
"Barıştırıcı" Merkeziniñ "SeaKrime" leyhasınıñ jurnalisti Katerına Yaresko bunı bildirdi.
Malüm olğanı kibi, "Kapitan Yakovlev" gemisi 2026 senesi çiçek ayınıñ 10-17 künleri Sevastopolda (Aqyarda) yükley edi.
Limandan çıqqan soñ, o, Kavkaz limanınıñ demirge qoyulğan yerine kirdi, ve daa soñra Suriyeniñ Tartus yönelişinde areket etmege devam etti.
Bizler tahminen 4 biñ tonna qızdırılğan çelikniñ taşıması aqqında aytamız.
Ukrayina Mudafaa nazirliginiñ Bİİniñ War&Sanctions portalınıñ malümatına köre, 2025 senesi boş aynıñ 25-nde Ukrayina KAPITAN YAKOVLEV gemisine (IMO: 9077575) qarşı sanktsiyalar kirsetti.
Hatırlatamız ki, saban ayında işğal etilgen Qırım ve Suriye arasında buña oşağan seferni balker VİKTOR ZABELIN yaptı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
