Vaqtınca işğal etilgen Ukrayina topraqlarında, hususan Qırımda, Rusiye mekteplerde balalarğa mefküre ceetinden tesir etmek içün pedagoglarnı azırlay. İşğalli akimiyet bunıñ içün mahsus tasil programmaları ve nezaret altındaki aliy oquv yurtlarını qullana.
"Sarı şerit" areketi bunı bildirdi.
Faalcilerniñ malümatına köre, VİETda Rusiyede mektep çağındaki balalar arasında "ananeviy degerlikler terbiyesi" içün "Rusiyeniñ Qartalları" programmasını ömürge keçire. Bundan soñ talebelerni işğalli akimiyetniñ kontrol etkeni teşkilâtlarğa celp etmege planlaştıralar.
"İşğalli akimiyet, nezaret altındaki aliy oquv yurtları vastasınen ocalarnı merkeziy şekilde azırlay. Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) içün kuratorlıqnı "terbiyeviy iş" mahsus programmaları boyunca ocalarnı azırlağan Armavir pedagogika universiteti ete. "Flagman mektepler" ağı vastasınen bu sistema köterilip, mekteplerde mefküreviy laflarnı zorlamaq içün qullanıla", — dep areket qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
