Çiçek ayınıñ 18-den 19-na keçer gecesi Ukrayina Mudafaa nazirliginiñ Baş istihbarat idaresiniñ "Prımarı" mahsus bölügi işğal etilgen Qırımdaki Rusiye arbiy obyektlerine ücüm etti. Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) Rusiye Federatsiyasınıñ Qara deñiz flotunıñ eki büyük desant gemisi zarar kördi ve radiolokatsiya stantsiyası yoq etildi.
Ukrayina Mudafaa nazirliginiñ Bİİ bunı bildirdi.
İstihbaratnıñ malümatına köre, çiçek ayınıñ 18-den 19-na keçer gecesi Sevastopol (Aqyar) körfezinde Rusiye Qara deñiz flotunıñ eki büyük desant gemisi — 775 leyhalı "Yamal" ve 1171 leyhalı "Nikolay Filçenkov" BDGbüyük desant gemisi zarar kördi.
Haber etilgenine köre, eki gemi de Rusiye tarafından Ukrayinağa qarşı cenkte qullanılğan edi ve ücüm neticesinde bozulğan edi.
Bİİniñ malümatına köre, "Yamal" — 1988 senesi qurulğan gemi, 500 tonnağa qadar yük, hususan zırhlı tehnika ve desant taşıy bile. Onıñ fiyatı 80 million dollardan ziyade.
"Nikolay Filçenkov" — 1975 senesi qurulğan desant gemisi, onlarnen zırhlı tehnikanı ve büyük desant kontingentini taşımağa imkân bergen 1000 tonnağa qadar yük taşımaq qabiliyetine maliktir. Geminiñ fiyatı 70 million dollardan ziyade.
Bundan da ğayrı, Sevastopolda (Aqyarda) keçirilgen operatsiya vaqtında "Podlöt-K1" rusiye radiolokatsiya stantsiyası yoq etildi. Kompleksniñ fiyatı tahminen 5 million dollar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
