Çiçek ayının 10-15 künleri Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) Avlita terminalında hırsızlanğan ukrayin boğdayınen yüklengen IRTYSH balkeri Türkiyedeki Samsun limanına kirdi.
"Barıştırıcı" Merkeziniñ "SeaKrime" leyhasınıñ jurnalisti Katerına Yaresko bunı bildirdi.
"Sevastopol limanından soñ gemi Kavkaz limanınıñ lenger yerine kirdi, anda vesiqalarını yañıdan resmiyleştirdi. Bu, ukrayin ububatınıñ hırsızlanması ve Ukryaina devlet sıñırınıñ qanunsız keçüvini gizlemek içün sıq qullanılğan bir manipulâtsiyadır. Vesiqalar sahte, çünki yükleme işğal etilgen Sevastopolda (Aqyarda — terciman) yapılğan edi", — dep Yaresko yazdı.
Soñki vaqıtları, dep Yaresko yazdı, gemi işğal etilgen Sevastopol-Cıbuti-Salif (Yemen) yolunen kete edi.
Balker Türkiyedeki limanğa kirdi. Facebook/Катерина Яресько
Hatırlatamız ki, Tış işler naziri Andriy Sıbiğa, Rusiye ABINSK (IMO: 9303869) quru yük gemisiniñ 43 biñ tonna hırsızlanğan boğdaynen Hayfa limanına kirgenini haber alğan soñ, İsrail diplomatik hızmetiniñ yolbaşçısı Gideon Saarğa telefon etti. Ukryaina naziri X içtimaiy ağında bu aqqında yazdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
