İşğalciler Qırımda içtimaiy obyektlerniñ qurucılığı içün milliardlarnen ruble hırsızladılar. Hususan, Keriç ve Katirlez köyündeki mektep aqqında söz yürsetile.
Qırımnıñ reintegratsiyası birleşmesi bunı bildirdi.
"İşğalcilerniñ soñki beyanatlarından körüne ki, sahte "qurulış ve mimarcılıq naziri" Eduard Şçegolev Qırımnıñ şarqiy qısmında içtimaiy binalarnıñ nevbetteki "teftişi"ni keçirdi, paralar Moskva "Teplostroyservis" qurulışı vastasınen tarqala'', — dep ARC yazdı.
Birleşmeniñ bildirgenine köre, bu, qurulışını bir qaç yıl devamında bitirip olamağan eki oquv yurtı.
"Keriçte 825 yerlik "umumiy tasil mektebi" aqqında söz yürsetile, anda 2019 senesinden başlap, haber etilgenine köre, tahminen bir milliard "yıqıldı", ve şimdi "obyektniñ azırlığı 60% teşkil ete". Ve Voykovo (Katırlez) köyünde "500 yerlik mektep"niñ qurucılığında, anda da 1 milliardğa yaqın para miqdarı hırsızlandı, "obyektniñ azırlığı 12%-ni teşkil ete", — dep Birleşme yazdı.
ARCnıñ malümatına köre, "Teplostroyservis" Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) bir çoq qurulmağan içtimaiy obyektlerinde, şu cümleden "poliklinika" ve Kozaçıy Baytadaki "medeniy-devletten tış merkezinde" bücet paralarınıñ yuvulmasınen bağlı.
Hatırlatamız ki, işğalciler 2021 senesinden başlap Sevastopolda (Aqyarda) acele yardım hastahanesini quralar ve şimdi leyha tasdıqlav basamağında ola. İşğalli Sevastopol (Aqyar) gubernatorı Mihail Razvojayev, evelki leyha kerçekleştirilmesi imkânsız olğanı içün leyha bütünley yañıdan işlenmek kerek olğanını bildirdi. O, Qırım "ükümet" kanalınıñ canlı yayınında bunı ayttı, dep FortPost işğalli neşiri yazdı.
İşğalciler işğal etilgen Yevpatoriyada (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) yalı kenarınıñ rekonstruktsiyası vaqtında 172 million ruble (tahminen 52 million ğrıvnâ) hırsızlağanlarını da tanıdılar.
Keriç zonasını donatmaq içün qurucı şirket 140 biñ tonna mahsus taş ketirmek kerek edi, lâkin bunıñ yerine tek qurucılıq işleri içün kelişken adiy taş ve çakıl taş ketirgen. Qırım İçki işler nazirliginiñ matbuat hızmeti bunı bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
