Qırımdan vatandaşlarnı sürgün etmek qararını qabul etken işğalli mahkemecige cenk qanunları ve adetlerini bozğanıUkrayina CQniñ 438-nci maddesiniñ 1-nci qısmında şübe bildirildi. O, 12 yılğa qadar apis cezasına üküm etile bilir.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı bu aqqında haber etti.
"Tahqiqat malümatına köre, "Qırım Cumhuriyetiniñ Aluşta şeer mahkemesiniñ mahkemecisi" dep adlandırılğan qadın, halqara gumanitar uquq normalarına köre qorçalanğan statusına baqmadan, yarımadanıñ işğal etilgen toprağından ukrayinlerni köçürüv cinaiy siyasetini amelge keçirmege yardım ete. Böylece, 2017 senesi o, Qırımdan Ukrayina vatandaşınıñ sürgün etilmesi aqqında qanunsız qarar aldı. "Rusiye Federatsiyası vatandaşı pasportınıñ olmaması" sürgünlik içün sebep oldı", — dep prokurorlıq yazdı.
Nazirlikniñ qayd etkenine köre, "mahkemeci"niñ areketleri 1949 senesiniñ Cenk vaqtında vatandaş ealisini qoruv şartnamesiniñ 49-ıncı maddesiniñ talaplarını boza. O, işğal etilgen topraqlardan insanlarnı mecburiy sürgün etmege yasaq ete.
"2024 senesi Ukrayina milliy havfsızlıq ve mudafaa şurası şübelengen şahsiyke qarşı mahsus iqtisadiy ve diger sıñırlayıcı tedbirlerni (sanktsiyalarnı) qullandı", — dep QMC prokurorlığı yazdı.
Suspilne Qırımnıñ menbaları bildirgenine köre, söz Svitlana Vaşçenko aqqında ketkenini anonim şekilde bildirdi.
Hatırlatamız ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
