Ukrayinada Qırım prokurorlığınıñ işğalcilerge qol tutqan eki sabıq hadimi devlet hainligi içün 13 yılğa üküm etildi.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Rusiye Federatsiyası Silâlı quvetleri Qırımnı zapt etken soñ mahküm etilgenler işğalli Qırım Cumhuriyeti prokurorlığınıñ "Aluşta şeer prokurorınıñ muavini" ve "Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) şeer prokurorınıñ yardımcısı" vazifelerinde duşmannen işbirlik yapmağa başladılar. "İdaren"niñ qanunsız emir ve emirlerine riayet etip, mahküm etilgenler istilâcı devletke ve onıñ vekillerine Ukrayinağa qarşı bozuv faaliyetini alıp barmağa yardım ettiler", — dep haberde qayd etildi.
Suspilne Qırımnıñ menbalarınıñ bildirgenine köre, söz Kuturova Yuliya Viktorivna ve İonenko Danılo Anatoliyovıç aqqında kete.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
