Qırım "tasil hadimi" üç yılğa ğıyabiy şekilde mahküm etildi. Tahqiqatnıñ malümatına köre, o, vaqtınca işğal etilgen Ukrayina cenübiy topraqlarında Kreml mefküresini amelge keçire edi — işğal etilgen mekteplerdeki ocalar içün rus tili ve edebiyatı dersleri vaqtında "vatanperver" terbiyeden "usul kitapları"nı azırlay edi.
UHHniñ Qırım Muhtar Cumhuriyetindeki Baş idaresi bunı bildirdi.
Uquq qorçalayıcı organlarındaki bir menba anonimlik şartınen Suspilne Qırımğa, söz Ğanna Volodina aqqında ketkenini haber etti.
"Söz işğal etilgen "Qırım cumhuriyet pedagogik tasil institutı"nıñ sabıq "metodisti" aqqında kete. Tahqiqatnıñ malümatına köre, o, işğal etilgen yarımadanıñ umumtasil müessiseleriniñ ocaları içün "usuliyet" materiallarını azırlağan edi. Bu "derslikler"de o, rus tili ve edebiyatı derslerinde "vatanperver" terbiyeniñ usullarını ögrete edi", — dep UHH bildirdi.
2025 senesi mayıs ayında UHH oña şübe bildirdi.
Mahkeme onı Ukrayina Ceza qanunnamesiniñ 111-1 maddesiniñ 3-ünci qısmı (duşmannen işdeşlik faaliyeti) boyunca qabaatlı tanıdı.
O, 3 yılğa ğuyabiy şekilde mahküm etildi.
Duşmannen işbirlikçi Ğanna Volodinanıñ faaliyeti aqqında daa ne bilemiz
2023 senesi kiçik ayda Volodina işğal etilgen Qırım mekteplerinde Rusiye tasil standartlarınıñ amelge keçirilüv seviyesini qıymetlendirgen "mütehassıslar" gruppasınıñ erkânına kirdi.
2024 senesi o, Zaporijjâ vilâyetiniñ vaqtınca işğal etilgen rayonlarında "Gençlik resurs merkezi" bölüginiñ yolbaşçısı edi, anda balalarğa raşizmXX asırnıñ soñunda ve XXI asırnıñ başında Rusiyeniñ akimiyet rejiminiñ siyasiy mefküresini ve içtimaiy ameliyatını ifade etmek içün qullanılğan ıstıla. 2023 senesi mayısnıñ 2-nde Ukrayina raşizmni Rusiye Federatsiyasınıñ devlet mefküresini olaraq resmen tanıdı. mefküresini ve Rusiye Federatsiyasınıñ gençlik paramilitar areketlerinde iştirak etüvini aşılağan kütleviy tedbirlerni teşkil ete edi, dep UHH bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñızi
