Qırımdan Ukrayinağa qarşı cenkte iştirak etkenler dolandırıcılarnıñ maqsadı oldı

İşğal etilgen Qırımda Ukrayinağa qarşı cenkleşken Rusiye ordusınıñ arbiy hadimleri olğan "SVOMahsus arbiy ameliyat — Rusiye yolbaşçılığı tarafından kirsetilgen ve Rusiyege qoltutqan menbalar tarafından Rusiyeniñ Ukrayinağa 2022 senesinden başlap istilâsını tasvir etmek içün qullanılğan teşviqat efemizmidir. iştirakçileri" ile bağlı dolandırıcılıq sıq-sıq yüz bere. İşğalcilerniñ malümatına köre, 2025 senesi olardan 38 million ruble (tahminen 19 million ğrıvnâ — muar.) alındı.

RİA "Novosti Krım", işğalli "cinayetlerniñ taqiqatı boyunca mahsus tahqiqat bölüginiñ yolbaşçısınıñ muavini" Katerina Olâninanıñ intervyusına esaslanıp, bu aqqında yazdı.

"Qırımda 2025 senesi SVO askerleri ve qorantalarına qarşı dolandırıcılıqnen bağlı 27 cinaiy dava qayd etildi. Umumiy zararlar 4 833 000 ruble oldı. Bu, "tutıp alınğan", esaplarda qayd etilgen, apiske alınğan er şey, amma kerçekten daa 38 million ruble miqdarında zarar ketirgen diger cinayetler açılmay qala", — dep Olânina tarif etti.

Çoqusı allarda "SVO" iştirakçilerine telefon etip, uquq qorçalayıcı organlarınıñ hadimleri olaraq tanıtalar. İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad te) 12 Rusiye arbiy hızmetçisinden 36,5 million ruble (≈ 18 million ğrıvnâ — myar.) satın aluv-satuv daireleri adı altında bu "shema" boyunca alındı, dep işğalli uquq qorçalayıcı ayttı. Bundan da ğayrı, Ukrayinağa qarşı cenkte iştirak etken Qırım sakinleri kripto para birjasına para yatırmaq istegenlerinde, çoqusı alçaqlıqlarğa oğraylar.

Hatırlatamız ki, "Ateş" arbiy-partizan areketiniñ malümatına köre, Qırımdaki iqtisadiy qıyınlıqlar ve içtimaiy astyapı bozulması fonunda yerli sakinler arasında "SVO iştirakçileri" ve olarnıñ qorantaları içün ayrı imtiyazlar sebebinden narazılıq arta.

Partizanlarnıñ malümatına köre, yerli sakinler, iqtisadiy vaziyetniñ kerginleşkenine baqmadan, tasil, mesken ve içtimaiy resurslarğa musaviy irişim olmağanından açuvlanalar.

"Ateş" areketiniñ bildirgenine köre, "arbiy areketlerniñ iştirakçileri"niñ balaları içün ev ve topraq damartılarınıñ berilmesi ve aliy oquv yurtlarına kirişniñ qolaylaştırılması aqqında söz yürsetile.

Читати ще