Ukrayina mudafaa quvetleri RF ordusınıñ işğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad de) yerleşken "Nebo-U" radiolokatsiya stantsiyasına ücüm etti.
Ukrayina Silâlı quvetleriniñ Baş ştabı Facebookta bunı bildirdi.
"Rusiye istilâcısınıñ ava mudafaasınıñ imkânlarını eksiltüv çerçivesinde Ukrayina Mudafaa quvetleriniñ bölükleri duşmannıñ ava mudafaası sistemasına ateş açmağa devam ete. Hususan, "Nebo-U" radiolokatsiya stantsiyası (Feodosiya ş., VİE Qırım MC) zarar kördi", — dep haberde qayd etildi.
Baş ştabnıñ malümatına köre, ücüm tam olaraq ne vaqıt etilgeni belli degil.
"Militarnıy" leyhasınıñ malümatına köre, Rusiyeniñ "Nebo-U" radiolokatsiya stantsiyası — "Nijernogorod televizion zavodı" tarafından işlep çıqarılğan ve 2006 senesinden berli Rusiye Mudafaa nazirligine berilgen inkişaf etilgen variantıdır.
Bu stantsiyanen büyük maqsatlarnı tapmaq içün 700 km mesafe bar. UHHniñ malümatına köre, onıñ fiyatı 100 million dollar civarındadır.
Hatırlatamız ki, bu gece nezaret resursları işğal etilgen Qırımda patlavlar aqqında haber etti. Hususan, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), Feodosiyada (Kefede) ve Keriç rayonlarında. Rusiye Mudafaa nazirligi yarımada ve Rusiye toprağına don ücümi aqqında bildirdi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
