Ukrayinada Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeriniñ Merkeziy rayon mahkemesiniñ sabıq mahkemecisi 13 yılğa azatlıqtan marum etilip, mal-mülki müsadere etildi. O, devlet hainligiUkrayina CQniñ 111-nci maddesiniñ 1-nci qısmınde qabaatlı tanıldı. Qırım işğal etilgen soñ, o, işğalli mahkemelerden birinde "mahkemeci" vazifesini aldı ve Rusiye akimiyetiniñ menfaatlarında çalışmağa devam ete.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Uquq qorçalayıcı organlarındaki bir menba anonim şekilde Suspilne Qırımğa, söz Evelina Fedorenko aqqında yürsetkenini bildirdi.
"Prokurorlar, 2012 senesinden berli Simferopolnıñ (Aqmescitniñ — terciman) Merkeziy rayon mahkemesinde çalışqan Ukrayina vatandaşı yarımada işğal etilgen soñ ukrayin halqına sadıqlıq antını bozıp, işğalciler ile işbirlik yapmağa razı olğanını isbatladılar. Qadın şahsen azırlandı ve işğalli mahkemede boş vazifege namzet olaraq "Rusiye Federatsiyası mahkemecileriniñ yüksek ihtisasiy kollegiyası"na ariza berdi. Soñra, "yarış" neticelerine köre, o, işğalli "Simferopol şeeriniñ Merkeziy rayon mahkemesi"niñ "mahkemecisi" olaraq tayinlendi", — dep haberde qayd etildi.
Mahküm etilgen qadın Rusiyege Qırım toprağında işğalli mahkeme sistemasınıñ qurulmasında yardım etti ve alâ daa onıñ çalışmasına yardım ete, dep prokurorlıq qayd etti.
Qırım MC ve Sevastopol (Aqyar) şeeri prokurorlığı Suspilne Qırımğa añlattı ki, qabatalanğan adam olmadan mahsus makeme oturışları ("ğıyabiy ükümler") neticesinde çıqarılğan ükümler umumiy şekilde aqqını qazanalar. Yani apellâtsiya şikâyetnamesi berilmese, apellâtsiya şikâyetnamesini berüv müddeti (üküm çıqarılğan 30 kün soñ) bitecek soñ aqqını qazanır.
Apellâtsiya şikâyetnamesi berilse ve lâğu etilmese, apellâtsiya makemesi qarar alacaq soñ üküm aqqını qazana. Aynı zamanda adam tutulğan vaqıttan berli ceza müddeti başlap sayıla.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
