Ruslar Ernest Seitosmanovnı "Vladimir merkezi" apishanesinden Sibirge — Rusiyeniñ İrkutsk vilâyetindeki Angarsktaki 2-nci tüzetüv müstemlekesine — qanunsız şekilde etap ettiler. İşğal etilgen Qırımda 2022 senesi kiçik aynıñ 9-nda FSBFederal Havfsızlıq hızmeti temsilcileri onı tuttılar. O, uydurılğan "Hizb ut-Tahrir davası" boyunca 18 yılğa mahküm etildi, soñra qanunsız cezası 6 ayğa qısqartıldı.
Siyasiy mabüsniñ dostları, onıñ mektübine esaslanıp, bunı "Qırım birdemligi"ne bildirdiler. Olarnıñ aytqanlarına köre, o, müstemlekede ne mektüpler yaza bile, ne de tuvğanlarına telefon ete bile.
"Qanunsız apiske alınmazdan evel 40 yaşındaki qırımtatar faalcisi Ernest Seitosmanov Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) rayonında traktorcı olıp çalıştı. O, Qırım ve Rostov-na-Donudaki musulmanlarnıñ mahkemelerine de barğan, siyasiy mabüslerniñ qorantalarına yardım etken, cemaat teşebbüslerinde iştirak etken edi", — dep "Qırım birdemligi" yazdı.
2022 senesi kiçik aynıñ 9-nda FSB hadimleri bir qaç adresni: Bağçasaray rayonında — "Qırım birdemligi" faalcisiniñ Ansar Osmanovnıñ evini, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında — Amethan Abdulvapovnıñ evini, Biloğirsk (QarasuvbazarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) rayonında — Marlen Mustafayevniñ evini ve Sevastopolnıñ (Aqyarnıñ) Balıqlava rayonında — Ernest Seitosmanovnıñ evini tinttiler. Episi qanunsız şekilde "terror teşkilâtınıñ faaliyetini teşkil etüv ve gruppa tarafından ükümetni zorbalıqnen zapt etüv azırlığı" maddesine köre qabaatlandı.
Seitosmanovnıñ evi bir qaç kere tintildi. Soñki sefer kiçik aynıñ 9-nda qırımtatar tutuldı ve SİZOğa yollanıldı.
2023 senesi mayıs ayında Cenübiy bölgeniñ arbiy mahkemesi Ernest Seitosmanovnı 18 yıllıq apis cezasına mahküm etti. O, "Hizb ut-Tahrir islâm siyasiy firqasınıñ faalcileri ile alâqalarında qabaatlı" tanındı.
2020 senesi bu mahkeme onıñ doğmuş qardaşı Enver Seitosmanovnı sert rejimli müstemlekede 17 yılğa "cezalandırdı".
2023 senesi boş ayda istinaf mahkemesi Seitosmanovnıñ ükmüni ğayrıdan baqıp, apis cezasını yarım yılğa — 17,5 yılğa qadar eksiltti. Bundan soñ onı Vladimirdeki 2-nci "Vladimir merkezi" apishanesine etap ettiler.
"2024 senesi çiçek ayında faalci, bu cezahanede tutuluv şaraiti qanaatlendirmegen olğanını bildirdi. Seitosmanovnıñ aytqanına köre, o, 1,5 metrni eki adamğa bölgen kamerada tutula edi. O yerde pek quru, suvuq ve avalandırmay edi. O vaqıt onı eki kere tahqiqat izolâtorına "etap boyunca ve kameralarara bağ bozuvları" sebebinden yerleştirgen ediler. Eyyet bozuvlarnı baqmağa kelmedi", — dep "Qırım birdemligi" yazdı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
