Çeçek ayınıñ 5-nde aqşam Qara deñizde, Rusiyeniñ Novorossiysk şeerine yaqın, işğal etilgen Qırımdan tahminen 150 km uzaqlıqta, 4.2 magnitudalı zelzele oldı.
Milliy seysmik közetüv sistemasınıñ Baş mahsus nezaret merkeziniñ (BMNM) malümatı bunı kösterdi.
Bu vaqia Kıyiv vaqtına köre saat 18:45-te qayd etildi.
Rusiye ilimler akademiyasınıñ (RİA) Yekâne geofizik hızmeti, zelzeleniñ merkezi 10 kilometr terenlikte olğanını bildirdi.
Hatırlatamız ki, kiçik aynıñ 2-nde işğal etilgen Qırımda zelzele oldı, şaatlar evlerde şam ve dolaplarnıñ titregenini köstergen videolarnı derc ettiler.
Kiçik aynıñ 10-nda gece Rusiyeniñ Anapa ve Novorossiysk şeerlerinde yañı yerastı sarsıntıları qayd etildi. Mütehassıslarnıñ malümatına köre, bu zelzele 4,9 magnitudalı edi.
Suspilne Qırım muarririyeti evelden Qara deñiz bölgesinde yañı küçlü zelzele telükesi ne qadar ciddiy olğanını ve yarımada içün ne aqibetleri ola bilecegini ögrendi.
Ukrayina Arbiy-deñiz quvetleriniñ yedek 1-inci derece kapitanı Andriy Rıjenko qayd etti ki, küçlü zelzeleniñ merkezi deñizde olsa, Qırım köprü de telüke altında qala bile.
"Qırım köprü qurulğanda, ve tarih bayağı uzun edi, bu esnasnı toqtatqan esas faktor - - am bir zelzele ihtimali edi. Ve, misal içün, almanlar Ekinci cian cenki vaqtında temeli qoyulğanda, olar tam bu sebepten vazgeçtiler", — dep qayd etti o.
Qırımdan ğayrı, Karpatlar Ukrayinanıñ faal seysmik bölgesi olaraq qala. Geofizik İnstitutı qayd ete ki, mevcut doquz seysmologik stantsiyağa Mıkolayiv ve Odesa vilâyetlerindeki yañı stantsiyalarnı qoşmağa planlaştırıla. Bu, Qırım yarımadasına tesir ete bilecek yerastı sarsıntılarını daa doğru taqip etmege imkân berecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
