Kiçik aynıñ 10-nda Qırım yalısında 3,6 magnitudalı zelzele oldı. Yerastı tepremeler Ukrayina ve Rusiye seysmologik hızmetleri tarafından qayd etildi, eali içün telüke olmadı.
Baş mahsus kontrol merkezi bunı bildirdi.
Yeraltı sarsıntıları Kıyiv vaqtına köre saat 06:45te yüz berdi. Yer teprenüviniñ merkezi 9 km terenlikte edi, koordinatları — 44,75° şimaliy enlik ve 37,36° şarqiy boyluq.
Mütehassıslarnıñ malümatına köre, tepremeler Keriç civarında yüz berdi ve küçü az edi. Zelzele duyulmadı dep sayıla — insanlarnıñ çoqusı onı körmedi, viraneler ve zarar körgenler aqqında haberler kelmedi.
Seysmik faaliyet aqqında malümat Rusiye Federatsiyasında da tasdıqlandı. Deyler ki, Qırım rayonında zelzele seysmik stantsiyasında qayd etildi. Rusiye ilimler akademiyasınıñ Yekâne geofizik hızmetiniñ malümatına köre, zelzele 3,4 magnitudalı edi. Yer teprenüvi Adağum köyünde yüz berdi.
Aynı zamanda Rusiye alimleri bölgede zelzele telükesi yüksek olğanını bildireler. V.İ. Vernadskıy adına QFUniñ Tavriya akademiyası İnstitutınıñ coğrafiya, geoekologiya ve turizm fakultetiniñ kafedrasınıñ müdiri Boros Vahruşevniñ RİA Novosti Krım agentligine bildirgenine köre, kelecek sene devamında Qırımda 8 ballğa qadar küçlü zelzele ola bilir, lâkin böyle bir stsenariyniñ tam müddetini aytmaq mümkün degil. Onıñ aytqanına köre, bölgede seysmik faallikniñ aletli közetüvi 1927 senesinden berli alıp barıla, şimdi ise stantsiyalar ağı çalışa, malümatları geodinamika ve seysmologiya institutları ve profil eyyetleri tarafından talil etile.
Hatırlatamız ki, 4,8 magnitudalı zelzele işğal etilgen Qırım civarında — Keriçten şimal-ğarpta 78 km mesafede oldı. Yerastı tepremeler kiçik aynıñ 2-nde Kıyiv vaqtına köre tahminen saat 11:47-de 10 kilometr terenliginde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
