Ukrayinada Qırımdan eki "göñülli" istilâcı devletke yardım etkeni içün mahkeme etilecek. Olar 12 yılğa qadar apis cezasını ala bileler.
Qırım MC ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığı bunı bildirdi.
Taqiqat, Ukrayina vatandaşları Rusiye askerlerine qol tutuv "hayriye teşkilâtları"nıñ faaliyetinde iştirak etkenlerini belgiledi.
"Şu cümleden, qadınlar toplaşuvlarnı teşkil etip, RF temsilcilerine kvadrokopterler, yaqarlıq ve yağ malzemeleri, naqliyat vastaları ve arbiy tehnika içün yedekler, aletler, akkumulâtorlar, aşayt malzemeleri, gigiyena malzemeleri ve ilâhre bereler. Meselâ, "göñülliler"den biri bir qaç "hayriye aktsiyası" neticesinde Rusiye arbiy hızmetçileri içün tahminen 2 tonna gumanitar yardım topladı. Ukrayinağa qarşı cenkte faal iştirak etkeni içün "Altın grifon 2023" mukâfatını aldı", — dep haberde qayd etildi.
Suspilne Qırımnıñ menbasınıñ anonim şekilde haber etkenine köre, söz Prokopenko Olena Oleksandrivna ve Kоtkova Veronika Serğiyivna aqqında kete.
Prokurorlıq qayd etti ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
