Qanunsız şekilde apiske alınğan Qırım vatandaş jurnalisti ve uquq qorçalayıcısı İrına Danılovıç RF toprağındaki tüzetüv müstemlekesinde ceza çekkende sert yanaşuvlarğa oğray.
Prezidentniñ Qırımdaki temsilciligi, onıñ qardaşı Olğa Novitskağa atıf etip, bu aqqında haber berdi.
"Novitskanıñ aytqanına köre, müstemlekeniñ idaresi qardaşınıñ sağlığına ait tibbiy tevsiyelerni közge almay ve onıñ fizikiy azaplarına sebep olğan şarait yarata. Hususan, bu Danılovıçnıñ eşitüv meseleleri sebebinden yazılğan sıñırlavlarğa baqmadan, uzun vaqıt devamında qasevetli sesni qullanuvğa aittir", — dep haberde qayd etildi.
Hatırlatmaq kerekmiz ki, işğal "mahkeme" tarafından qanunsız olaraq 7 yılğa mahküm etilgen Qırım vatandaş jurnalist İrına Danılovıç aman-aman dört yıl devamında kerekli tibbiy yardımsız Rusiye müstemlekesinde buluna.
Kiçik ayda qadınnıñ soy-sopları QRMe, çoqtan-çoq muracaatqa baqmadan, oña çoqtan berli iç bir türlü mahsus tibbiy yardım kösterilmegeni, kerekli ilâclar yetişmegeni aqqında haber ettiler.
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
