Prokurorlar mahkemege "Qırımtatarlarnıñ belediye mebusları ve cemaat teşkilâtları temsilcileriniñ qurultayı" iştirakçilerine qarşı dört qabaatlav aktını berdiler. Olarnı duşmannen işbirlik faaliyetinen qabaatlaylar ve 12 yıllıq apis cezası bekley. Tahqiqatnıñ malümatına köre, olar Putinge Ukrayinağa qarşı cenkte ve Rusiyeniñ işğal etilgen Qırımda faaliyetinde qol tutmağa qırımtatarlarğa çağırdılar.
Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) şeeri prokurorlığınıñ saytında bu aqqında haber etildi.
Uquq qorçalayıcı organlardaki bir menba, söz Şevket Bekirov, Lili Vecatova, İbraim Şırin ve Arsen Yunusov aqqında yürsetkenini Suspilne Qırımğa anonim şekilde bildirdi.
2022 senesi çeçek ayında "Qırımtatarlarnıñ belediye mebusları ve cemaat teşkilâtlarınıñ vekilleri qurultayı" keçirildi. O vaqıt qabaatlanğanlar bütün qırımtatar halqı adından Putinniñ Ukrayinağa tolu miqyaslı istilâ başlamaq qararına qol tutqanlarını bildirdiler.
"Millet" teşviqat telekanalında çıqışta bulunıp, "tedbir" iştirakçileri işğal etilgen Qırımnıñ toprağını Rusiye tarafından tanıp, Rusiye prezidenti ve Rusiye ordusınıñ areketlerine qol tutmağa çağırdılar, ve diger qırımtatarlarnı yarımadağa qaytmağa çağırdılar", — dep prokurorlıq bildirdi.
Lili Vecatova. Скриншот телеканалу "Миллет"
İbraim Şırin. Скриншот телеканалу "Миллет"
Şevket Bekirov. Скриншот телеканалу "Миллет"
Arsen Yunusov. Скриншот телеканалу "Миллет"
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
