İşğal etilgen Qırımda qadınlarnıñ cinaiy madde boyunca apiske alınması sistematik oldı, taqiplerniñ sayısı ise ep arta. Apiske alınğanlar, advokat ve tuvğanlarına irişimsiz, izolâtsiyada tutulalar ve ruhiy ve fizikiy basqığa oğratılalar. Malüm olğanı kibi, işğalciler Eski Qırımdan (Feodosiya rayonı) 35 yaşındaki Sevil Çakalnı "aşırıcılıqqa açıq çağıruvlar" sebebinden qanunsız sürette mahküm ettilar. Bundan evel ruslar bu şeerniñ daa bir sakini — 24 yaşındaki qırımtatar qızı Hatice Büyühçannı "yaqaladılar".
Uquq qorçalayıcı ve Qırımtatar resurs merkeziniñ (QRM) idarecisi Zarema Barieva Facebookta bunı bildirdi.
"Qırımda işğalciler tarafından cinaiy madde boyunca taqip etilgen qadınlarnıñ sayısı er kün yüzlernen erkek siyasiy mabüsnen beraber arta. Teessüf ki, qadınlarnıñ apiske alınuvı da muntazam oldı. Apiske alınğan qadınlarnıñ çoqusı uzun müddet devamında izolâtsiyada olıp qala, qoranta, tanışları, advokatlar ve uquq qorçalayıcılar olarğa irişip olamaylar. Qadınlarnı qorçalav aqqından marum eteler, tış dünyadan ayırıp, olarğa em ruhiy, em de fizikiy basqı yapalar. Ne qadar böyle adiseler bar, belki de, bizler daa bilmeymiz?" — dep uquq qorçalayıcı ayttı.
Barievanıñ yazğanına köre, işğalli Qırım akimiyeti qadınnı "aşırıcılıqqa açıq çağıruvlar" sebebinden qanunsız sürette mahküm etkeni belli oldı. Söz 35 yaşındaki Sevil Çakal aqqında kete, o, Eski Qırımdan (Feodosiya rayonı) kele.
"İşğalciler 2025 senesi ilk qış ayında Rusiye Ceza qanunnamesiniñ 280 maddesiniñ 2-nci qısmına istinaden "aşırıcılıq faaliyetine açıq çağıruvlar" boyunca cinaiy dava açtılar ve onı Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) SİZOsında tuttı. 2025 senesi ilk qış ayınıñ 19-nda qıznı aşırıcı-terroristler cedveline kirsettiler. 2026 senesi kiçik aynıñ 3-nde Simferopoldaki (Aqmescitteki — terciman) Demiryol rayon mahkemesiniñ mahkemecisi Sinçenko (Snetkova) D.A. Sevil Çakalnı qabaatlı tanıdı", — dep Barieva añlattı.
2025 senesi işğalciler daa bir qadını tutıp aldılar. 24 yaşındaki qırımtatar Hatice Büyühçan Simferopolğa (Aqmescitke) ketkende quvetçiler tarafından hırsızlandı. Rusiye mahsus hızmetleri onı birden bir qaç madde boyunca qabaatlay — "qanunsız şekilde patlayıcı maddelerni saqlavRF CQniñ 222.1-nci maddesiniñ 3-nci qısmınıñ ''v'' noqtası", "qanunsız şekilde patlayıcı maddelerni azırlavRF CQniñ 223.1-nci maddesiniñ 1-nci qısmı", "devlet hainligiRF CQniñ 275-nci maddesi", "terroristik areketRF CQniñ 205-nci maddesiniñ 3-nci qısmınıñ ''b'' noqtası", "cinayetke ıntıluvRF CQniñ 30-ncı maddesiniñ 1-nci qısmı".
"69 kün devamında onı tahqiqat izolâtorında tuta ediler, bunı ana-babasından gizley ediler, bu vaqıt devamında memuriy apis müddetleri devam ete edi, bundan soñ cinaiy dava açıldı. Bugün qız Novoçerkassk şeerinde Rusiye FCHFederal Cezalandıruv hızmetiniñ Rostov vilâyetindeki 3-nci SİZOda buluna, anda devlet hainligi ve terakt azırlağanı içün mahkeme etile", — dep uquq qorçalayıcı qoştı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
