Verçelli şeerinde vatandaş esirlerine qol tutuv aktsiyası olıp keçti. Aktsiyanıñ teşkilâtçısı — "Tsivilni vilni"Vatandaşlar azat etilgenler"" teşkilâtınıñ temsilcisi, Qırım siyasiy mabüsi Serğiy Lıhomanovnıñ qardaşı Tetâna Zelenadır.
"Qırımtatar resurs merkezi" bunı bildirdi.
Öz çıqışında Zelena, Qırımda vatandaş ve siyasiy mabüslerniñ taqip etilüvine diqqat çekti.
"Qırımnıñ 12 yıllıq işğali devamında yalıñız 12 Qırım sakini qanunsız apislikten qaytıp oldı. 516 insan cinaiy davalar sebebinden taqip etildi. Bugünde-bugün 347 insan apishanede buluna, 29 insan ğayıp oldı, eñ az 61 insan bu müddet devamında elâk oldı", — dep o, QRMniñ malümatını bildirdi.
Tetâna Zelenanıñ sözlerine köre, qanunsız tutulğanlarnıñ çoqusı azap ve ruhiy basqığa oğray.
"Tedbir vaqtında siyasiy mabüslerniñ qorantalarınıñ şaatlıqları, işğalden sağ qalğan insanlarnıñ ikâyeleri seslendirilgen edi, qanunsız sürgün etilgen ukrayin ve qırımtatarlar, olarnıñ arasında Serğiy Tsığipa, Rustem Gugurik, Kostântın Maksımov, Viktor Bondarenko, Kostântın Zinovkin ve başqalarnıñ adları añıldı", — dep QRM yazdı.
Hatırlatamız ki, 2023 senesi ilk qış ayınıñ 27-nde işğal etilgen Qırımda sabıq arbiy hızmetçiler Serğiy Lıhomanov ve Ruslan Çornıy-Şvetsniñ evleri tintildi. Lıhomanovnı FSB hadimleri belli olmağan yerge alıp kettiler. Bir ay devamında tuvğanları Serğiy ve Ruslan aqqında bir şey bilmey ediler.
Olarnı Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) SİZOsında tuta ediler, soñra Lıhomanovnı Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad teki) 8-nci SİZOsına avuştırdılar, anda o, bir kişilik kamerada tutuldı. 2024 senesi mayısnıñ 15-nde işğalli Sevastopol (Aqyar) mahkemesi Lıhomanovnı "devlet hainligi" içün sert rejimli müstemlekede 5 yılğa ve 50 biñ rublelik (24 biñ ğrıvnâ) para cezasına mahküm etti. Bundan soñ onı Belbek özenindeki demiryol köpründe "patlav azırlağanı"nda qabaatladılar. 2025 senesi orta küz ayınıñ 8-nde adamnı qanunsız şekilde müstemlekede 15 yıllıq apis cezasına ve 50 biñ rublelik para cezasına mahküm ettiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
