İşğal etilgen Qırımda saban ayınıñ 23-ne qadar "RF ordusını itibardan tüşürüv" maddesine binaen 1715 dava açıldı. 53 %-i qadınlarğa qarşı açıldı.
Ukrayina prezidentiniñ Qırımdaki temsilciligi bunı bildirdi.
"2026 senesi sabannıñ 23-ne qadar vaqtınca işğal etilgen Qırımda Rusiye Federatsiyasınıñ silâlı quvetlerini itibardan tüşürüv aqqında Rusiye Federatsiyası Ceza qanunnamesiniñ 20.3.3 maddesine istinaden 1715 dava qayd etildi. 1577 davasında mahkeme qararları cöreme qararınen ya da birleştirilgen ceza bağlı edi. 24 davasınıñ baqılması devam ete. Qararlarnıñ 53%-i (837) qadınlarğa qarşı, 47%-i (738) ise erkeklerge qarşı", — dep haberde qayd etildi.
2026 senesi qara qış ayınıñ 19-nda temsilcilik, Rusiye ordusını itibardan tüşürüv maddesine istinaden 1664 dava aqqında haber etti.
Aynı zamanda böyle davalarnıñ sayısı ep arta. 2024 senesi vaqtınca işğal etilgen Qırımda Rusiye "mahkemeleri" tarafından "Rusiye ordusınıñ itibardan tüşürilmesi" maddesine istinaden 494 dava baqıldı, 2025 senesi ise — 518, yani 24 dava, ya da 5%ge çoqça.
Eñ çoq dava Ermeni Bazarda yüz berdi. 2024 senesi "Ermeni Bazar şeer mahkemesi" 494 işten 220-ni baqqan edi (qararnen 44%), 2025 senesi ise — 518 davadan 264-i (51%-dan çoq). Bu "mahkeme"niñ işğalli topraqlarda memuriy basqı ve repressiv qararlar çıqarmaq içün esas aletlerden biri olaraq qullanılğanını köstere.
Telegram, WhatsApp, Facebook, TikTok ve YouTubede Suspilne Qırım haberlerine oluñız
