Qırımlı mabüs Seyran Saliyev Rusiyeniñ Tula vilâyetindeki №4 apishaneden №1 apishanege avuştırıldı. 2022 senesinden berli anda daa bir qırımlı siyasiy qoruyıcı Server Zekiryayev tutula. Bu, "qırmızı" zona olaraq belli, anda mabüsler içün ciddiy sağlıq problemleri peyda ola, çünki olar kanalizatsiya toksinlerini nefes alalar.
Onıñ qadını Mümine Saliyeva saban ayınıñ 29-nda Facebook saifesinde bu aqqında bildirdi.
"Memlekette "qırmızı" bölge kibi çalışa, kanalizatsiya sisteması bütün toksinlerni mabüsler, hususan kamerada bulunğanlar nefes ete, soñra ise, olar, sarsıntılar, baş ağrıları, şişmeler ve nerv çatışmalarından azap çeke", — dep o qayd etti.
Tula vilâyetiniñ prokuraturasından alınğan cevapta, Saliyev daa №4 koloniyada tutulğanda, saban ayınıñ 12-nde qırımtatarı 15 künge ceza izolâtorına qapatıldı.
Saban ayınıñ 28-nde №1 koloniyada apis müddeti bitti. Amma Saliyeva onıñ barakqa qaytarılğanına şübheli olğanını bildirdi. 2025 senesiniñ ilk yaz ayından itibaren o, daa da sert şaraitlerge avuştırılması mümkün olğan basqı şekli olaraq baqılğan izolâtorda tutula, dep ayta siyasiy mabüsniñ apayı.
Bundan evel uquq qoruyıcılar "Qırım işleri" bazasında işğal mahkemesi tarafından 15 yıl sert rejimli koloniyada qalmasına üküm etilgen Qırım vatandaş jurnalisti Seyran Saliyevniñ taqip etilmesinde iştirak etken 26 insannı derc etken edi.
Hatırlatamız, Rusiyedeki Don şeer mahkemesi Qırım siyasiy mabüsi Server Zekiriyevniñ Tula vilâyetindeki №1 koloniyasına nisbeten tutuluv şaraitleri yaramay olğanı sebebinden bergen şikâyet arizasını baqıp başladı. Mahküm etilgenniñ apayı Zarem Zekiriyeva bildirdi ki, kanalizatsiya sistemasından çıqqan gazlar sebebinden mabüs sıqıntı ve oksigen qıtlığından zarar köre.
"Hizb ut-Tahrir davası"nıñ ekinci Bağçasaray gruppası aqqında ne bilemiz
2017 senesi orta küz ayınıñ 11-nde Rusiye FSB işğal etilgen Bağçasarayda altı qırımtatarnı tuttı: Timur İbragimov, Marlen (Süleyman) Asanov, Memet Belâlov, Seyran Saliyev, Server Zekiryayev ve Ernes Ametov.
Bir seneden soñ, 2018 senesi mayısnıñ 21-nde, işğalciler Edem Smailov ve Server Mustafayevni evlerinde tutıp aldılar.
Olarnı Rusiyede yasaqlanğan, amma Ukraina ve dünyanıñ ülkeleriniñ çoqusında serbest faaliyet köstergen Hizb ut-Tahrir islâm siyasiy firqasınıñ faaliyetinde qabaatlaylar.
Tutulğanlarnıñ episi işğalli Kıyiv rayon mhkemesiniñ qararındn apiske alındı ve tahminen üç sene taqiqat izolâtorında tutuldı.
2022 senesi berim ayınıñ 16-nda Rostov-na-Donudaki Cenübiy bölge arbiy makemesinde bu dava üzerinde üküm çıqarıldı. Onıñ qabaatlıları 13-19 sene apis cezasına maküm etildi.
022 senesi saban ayınıñ 14-nde Vlasiha şeerindeki Apellâtsiya arbiy makemesi imayeciniñ şikâyetlerini aman-aman bütünley red etti ve mabüslerniñ apis müddetlerini aman-aman deñiştirmedi. Seyran Saliyevniñ apis cezası bir senege qısqartıldı - 15 senelik müstemleke cezasına, Ernes Ametovnıñ apis cezası lâğu etildi.
Avropa parlamenti öz rezolütsiyasında Rusiye Federatsiyasını bütün ukrain siyasiy mabüslerini, şu cümleden "Hizb ut-Tahrir davası"nıñ ekinci Bağçasaray gruppasınıñ mabüslerini azat etmege çağırdı.
"Memorial" uquq qorçalayıcı merkezi olarnı siyasiy mabüsler olaraq tanıdı ve Rusiyeni olarnı acelen azat etmege çağırdı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
