İşğal etilgen Qırımda qadın "rus arbiy tehnikası aqqında malümatnı ukrayin tarafına bergeni"nde qabaatlanıp, "devlet hainligi" davasında 18 yılğa mahküm etildi.
İşğalli yarımada prokurorlığı bunı bildirdi.
Rusiye tahqiqatınıñ versiyasına köre, Moskva vilâyetiniñ sakini "Rusiyeniñ Ukrayinağa tolu miqyaslı istilâsına qarşı çıqtı ve 2024 senesi kiçik ayda Qırım toprağında RF Silâlı quvetleriniñ zırhlı tehnikanıñ turğan yerini fotoresimler ve videoğa çekti".
İşğalli uquq qorçalayıcı organlarınıñ aytqanına köre, o, toplanğan malümatnı "içtimaiy ağlardan biri vastasınen Ukrayina havfsızlıq hızmetiniñ vekiline berdi".
Rusiyege boysunğan Qırım Yuqarı mahkemesi onı qabaatlı tanıp, umumiy rejimli müstemlekede 18 yılğa üküm etti, soñra bir yıl ve on ay apis cezasını aldı. Bundan ğayrı, oña 500 biñ ruble para cezasını berdiler, cep telefonı ise tutıp alındı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
