İşğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad da) Rusiye akimiyeti dört yıl evelsi ilân etilgen şeer elektrik tren leyhasınıñ amelge keçirilmesini toqtatqan edi. O, müddetsiz toqtatıldı.
Saban ayınıñ 25-nde Sahte malümatqa qrşılıq merkezi (SMQM) bu aqqında haber etti.
Umumen işğalciler eki marşrutnı açmağa planlaştıralar — demir yol vokzalından Oçeret körfezine ve Balıqlavadaki Zolota Balkağa Balqağa, dep Merkez qayd etti.
"Rusiye Federatsiyası federal programması"na kirsetilmesine baqmadan, işğalli Sevastopol (Aqyar) akimiyeti işlerniñ başlanması içün para olmağanını tanıdı. Onıñ içün leyha vaqtınca toqtatıldı.
SMQM qayd etti ki, bu dava Rusiye işğal etilgen topraqlarnıñ "inkişafı" aqqında vadeleriniñ kerçekke uymağanını köstere.
"İşğal etilgen Qırımnı Rusiye daima yalıñız strategik arbiy baza olaraq saya. Bu sebepten mında arbiy astyapı ve logistika faal şekilde inkişaf ete, vatandaş leyhaları ise qolda olğan printsipke köre maliye etile", — dep Merkez bildirdi.
Leyha Rusiyeniñ Qırım inkişaf planına kirsetildi, onıñ büceti 4 mlrd ruble.
Bundan evel işğalli Qırım akimiyeti Aluşta civarındaki Sonyaçnoğirsk, Rıbaçe ve Maloriçenske köyleriniñ gaznen taminatını başqa vaqıtqa qaldırdı. Bu sefer — eñ az 2032 senesine qadar. Şimdi işğalcilerniñ esas prioriteti arbiy ve logistik astyapı ola.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
