Ukrayinanıñ vaqtınca işğal etilgen topraqlarında, hususan Qırımda, çağına yetmegenlerniñ ğayıp oluvı qayd etile, olarnıñ arasında 12 yaşından 18 yaşına qadar qızlar eñ çoq zarar köre.
Milliy muqavemet merkezi bunı bildirdi.
Onıñ malümatına köre, soñki ğayıp oluv adiseleri sabannıñ 8-nde Aluştada ve sabannıñ 16-nda Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad te) qayd etildi. İşğalli uquq qorçalayıcı organları böyle adiselerge tez cevap bermey ve qıdıruv tedbirleri sıq-sıq resmiy bildirüvlernen sıñırlana.
Qayd etilgenine köre, ğayıp olğan balalarnıñ tuvğanları açıq-aydın kommunikatsiya ve açıq-aydın protseduralar olmağanınen qarşılaşalar. Çoqusı allarda ğayıp olğanlarnıñ vaziyeti aqqında malümat aydınlatılmay, bu da qıdıruvnı qıyınlaştıra ve çağına yetmegenler içün telükeni arttıra.
Milliy muqavemet merkezi ayrı adiselerniñ cinaiy ağlar, hususan insan ticaretinen bağlı faaliyetnen bağlı ola bilecegini de red etmey.
"Vaqtınca işğal etilgen topraqlarda vatandaş ealisiniñ telükesizliginen bağlı sistematik meseleler bar, anda balalarnı qorçalav mehanizmleri aqiqaten çalışmay", — dep MMM qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
