İşğal etilgen Qırımda Rusiye haber menbaları yerli sakinlerni Rusiye kontrolindeki MAX messencerine keçmege mecbur etmek içün "Telegramnı blok ete bilecegi" aqqında laflar tarqatalar.
"Sarı şerit" areketiniñ faalcileri bunı bildirdiler.
Olarnıñ malümatına köre, Rusiye tarafdarı olğan Telegram kanalları bir aydan berli yarımada sakinleriniñ Rusiye hızmetine kütleviy şekilde keçmesini maqsat etip, haber kampaniyasını alıp baralar. Bu maqsatnen, "Telgramnıñ çeçek ayınıñ 1-den başlap bütünley blok etilüvi" aqqında haberler tarqatıla.
Faalcilerniñ qayd etkenlerine köre, işğalli akimiyet böyle etip ealini qorquzıp, Rusiyeniñ nezareti altında olğan alternativ qullanuvnı qullanmağa mecbur etmege tırışa.
"Asılında, "yañı bir kelişikli hızmet" aqqında degil, Qırım sakinlerini Rusiye nezaretinde ve casus olğan MAX messencerine zorlamaq ıntıluvı aqqında söz yürsetile. Anda ne qadar çoq insan olsa, işğalli akimiyet içün nezaret etmek, malümat toplamaq ve haber boşluğını nezaret etmek o qadar qolay olur", — dep areket qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
