Ukrayinada mahkeme işğal etilgen Qırımdan üç sabıq prokurornı devlet hainligi Ukrayina CQniñ 111-nci maddesiniñ 1-nci qısmıiçün 13 ve 14 yıllıq apis cezasına mahküm etti. 2014 senesi olar Rusiye Federatsiyası hızmetine keçti.
Sabannıñ 23-nde Qırım Muhtar Cumhuriyeti ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
Müessiseniñ malümatına köre, mahküm etilgenlerden ekisi Qırım işğalindan soñ Rusiye prokuraturası organlarında "Sovet rayonı prokurorınıñ muavini" ve "Simferopol şeeriniñ Merkeziy rayonı prokurorınıñ yardımcısı" vazifelerini aldı.
Üçünci mahküm "Yalta şeer prokurorınıñ yardımcısı" oldı, soñra ise "Qırım Cumhuriyeti prokuraturasınıñ iqtisadiyat saasında qanunlarnıñ yerine ketirilmesini nezaret etüv bölüginiñ prokurorı" vazifesini aldı.
"Mahkumlar istilâcı devletniñ vekillerine prokuraturanıñ işğalci organlarını meydanğa ketirmek ve çalıştırmaqta yardım ettiler, em de Ukrayinağa qarşı bozuv faaliyetini alıp barmağa yardım ettiler", — dep muhtariyet prokurorlığı bildirdi.
Daa evel Ukrayinada Qırımdaki İçki işler nazirliginiñ işğalli organınıñ ekseriyet yolbaşçısı 13 yılğa mahküm etildi. O, 15 yıl devamında uquq qorçlayıcı organlarında çalışmaq aqqından marum etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
