İşğalciler Qırımdaki talebelerni Ekinci cian cenkiniñ abidelerini temizlemege celp eteler. "Ğalebe desantı" teşviqat aktsiyasında saban ayı 21-29 künleri 600 student iştirak etecek.
"Qırım.24" işğalci portalı Rusiye kontrolindeki Katerina Denisükniñ Rusiye student ordusınıñ bölügine esaslanıp bu aqqında bildire.
Qırımnıñ 600-den ziyade talebesi cenk yılları abideleriniñ abadanlaştırılmasında iştirak etecek.
Denisükniñ aytqanına köre, talebeler ve mektep talebeleri Qırımnıñ farqlı belediye qurulışlarına barıp, arbiy abidelerniñ etrafındaki topraqlarnı temizleycekler. Bundan da ğayrı, olar mektep talebeleri ile körüşip, olarğa Rusiye ve Qırım tarihınıñ qaraman saifeleri, em de mahsus arbiy operatsiya qaramanları aqqında ikâye etecekler", — dep haberde aytıla.
Hatırlatamız, "Sarı şerit" areketi bildire ki, işğal etilgen Qırımda mektep talebelerine Ukrayinağa qarşı cenk aqqında kompyuter oyunlarını mecburen oynatalar. Hususan, Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) informatika derslerinde talebelerge rusça Ukrainian Warfare: Gostomel Heroes oyunını oynamağa çağıralar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
