Rusiye Mudafaa nazirligi, Rusiye ve işğal etilgen Qırım territoriyasına ukrayin uçaqları ücüm etkenini bildirdi. Nezaret resursları Aqmescitte (SimferopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve onıñ civarında gürültülü patlavlar, soñra ise Tavriya elektrik stantsiyası yanında yanğın aqqında haber etti.
Rusiye Mudafaa nazirligi Telegramda 283 ukrayin UUAniñ Rusiye ve işğal etilgen Qırımda tüşürilgeni aqqında bildirdi.
Rusiye ava mudafaası Qırımdaki UUAniñ sayısını tam olaraq aytmay.
Neşir etilgende resmiy olaraq ukrayin tarafı işğal etilgen yarımadağa ücüm aqqında izaat bermedi.
UPD// "Ateş" arbiy-partizan areketi bildire ki, martnıñ 20-nden 21-ne keçer gecesi, olarnıñ agentleriniñ nezareti altında, Qırımğa eñ büyük dron ücümi oldı.
"Saldırı 23:00 başlandı ve 02:45 qadar devam etti (Moskva vaqtı boyunca — muar.) — aman-aman dört saat devamında UUA dalğaları devam etti. Agentlerimizniñ bildirgenine köre, Aqmescit (Simferopol) rayonındaki Tavriya elektrik stantsiyası yanında patlavlar oldı — onıñ üzerinde bir qaç dalğa çalıştı. Müessise hadimleri patlav, yanğın ve yanğınğa oğrağanlarnı qayd ettiler. Eñ küçlü patlavlar Aqmescitniñ (Simferopolnıñ) şarqında tahminen saat 23:30-dan 23:40-ğa qadar eşitildi. Aynı vaqıtta Aqyar (Sevastopol) üzerinde de dronlar çalışqan edi: patlavlar Balaklava rayonında eşitilgen edi, ğaliba Balaklava TES maqsadı edi", — dep haberde aytıla.
İşğal etilgen Qırımda yaralanğanlar aqqında malümatnı partizanlar Ukrayina mudafaa quvetlerine berdi, dep "Ateş" qoştı.
Aqmescit (Simferopol) ve Tavriya TES rayonında Rusiye elektrik energiyasınıñ istisalı aqqında "Qırım veter" monitoring Telegram-kanalı haber etti.
Mında yuqarıda añılğan issilik elektrik stantsiyasında olğan yanğın aqqında malümat bar edi ve ihtimal AMS obyektine urdı— "Pantsir" Rusiye öz başına yürgen zıddiyet raketa-topan kompleksine kiriş aqqında malümat bar edi.
Aqmescitte (Simferopolda) ve Tavriya TES yaqınlarında yerli sakinlerge telüke aqqında "ÇP/Aqmescit" Rusiye Telegram-kanalı da haber etti.
Hatırlatamız, Qırımda işğalci akimiyet tarafından UUA işiniñ ve uçuşlarnıñ aqibetlerini çekmek yasaq etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
