"Babilon13" birleşmesiniñ "Qırım, nasıl edi" vesiqalı filminiñ mahsus taqdimi, Electron Pictures tarafından işğalniñ 12 yıllığına keçti. Bu video 10 yıl evel çıqarılğan. Rejissör — Kostântın Klâtskin, şimdi 412-nci Nemesis brigadasınıñ arbiy hızmetçisi.
Qırımnıñ paytahtındaki "Kino binası"nda taqidmge 400 insan keldi, dep brigadanıñ Telegram kanalında haber berildi.
"Yaratıcı taqımınıñ azamiy erkânını, filmniñ bir qaç qaramanını toplap, 2016 senesi ukrayin kinoteatrlerinde olğan unikal dijital kopiyasını köstermege imkân oldı", — dep haberde qayd etildi.
Taqdimge filmniñ ses rejissörı ve montaj rejissörı — Nemesis 412-nci brigadasınıñ arbiy hızmetçisi Pavlo Lıpa keldi.
"Şimdi, 2026 senesi, filmni seyir etip, ukrayinlerniñ, ordumıznıñ, cemiyetimizniñ yıllar devamında ne qadar deñişkenini añladım. Biz büyük bir adım attıq, lâkin keçmişteki hatalarnı unutmamaq pek müim", — dep Pavlo Lıpa.
Film 10 yıl evel çıqarılğanına ve Babilon13 birleşmesiniñ YouTube kanalında açıq irişimde olğanına baqmadan, seyircilerniñ üçte biri onı ilk sefer baqtı, dep rejissör Kostântın Klâtskin qayd etti.
"Film 10 yıl evelsi çıqarılğanına ve Babilon13 birleşmesiniñ YouTube kanalında açıq irişimde olğanına baqmadan, bugün zalda olğan insanlarnıñ üçte biri ilk sefer filmni seyir etti. Bu Qırım işğali meselesi alâ daa aktual olğanını köstere, ve ukraiynalılar bunı hatırlağanlarına quvanam. 10 yıldan soñ yapa bilecegimiz eñ yahşı şey — bu filmni Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda — terciman) kinoteatrda köstermektir", — dep Kostântın Klâtskin ayttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
