İşğalli Qırım Yuqarı mahkemesi yarımada sakinini devlet hainliginde qabaatlap, sert rejimli müstemlekede 18 yılğa üküm etti. Rusiye nezaretindeki tahqiqatnıñ versiyasına köre, o, Foros toprağında Rusiye arbiy obyektleriniñ yerleştirilüvi aqqında malümatnı toplap bere edi.
RİA "Novosti Krım" bunı bildirdi. Adamğa 1 yıl ve 9 aylıq apis cezası berildi.
"Mahsus operatsiyanıñ keçirilmesine qarşı olğan cinayetçi içtimaiy ağlar vastasınen Ukrayina istihbaratınen bağlanıp, silâ, tehnika ve mudafaa inşaatlarınıñ Foros toprağında yerleştirilüvi aqqında malümat bermege başladı", — dep beyanatta qayd etildi.
"Tribunal. Qırım epizodı" resursınıñ malümatına köre, "mahkemeci" Alla Hinevıç üküm çıqardı.
"Devlet bağçalarınen belli olğan Forosta işğalciler kimlerden qorunğanlarını tek tahmin etmek mümkün. Mahküm etilgenniñ şahsiyeti de öyle. "Tribunal"nıñ analitikleri, söz Dmıtro Pastaşçuk ya da Valeriy Lizun aqqında kete, olar Yalta sakinleridir, olarnı evel mahkeme çetel devleti ile gizli işbirlik yapqanları içün 6 ve 5 yıl apis cezasına mahküm ettiler. Olarnıñ davaları, başqa davalarda olğanı kibi, tekrar baqılmaq içün qaytarıla bile edi. Çaraz Akimovnıñ evelki davası da 18 yıl apis cezasınen yekünlendi", — dep haberde qayd etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
