Rusiye Mudafaa nazirligi işğal etilgen Qırım üzerinde gece 35 uçucısız uçaq aleti tüşürilgenini bildirdi. İşğalli Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) gubernatorı Mihail Razvojayev ise, şeer toprağına viraneler tüşkeni aqqında bildirdi.
O, Telegramda bu aqqında yazdı.
"Striletska körfezi rayonında urulıp tüşürilgen UUAleriniñ viranelerinden bir yerde ot yanıp başladı. Ğalebe parkı civarında UUAleriniñ yıqıluvı neticesinde bir daireler binasınıñ damınıñ küçük bir qısmı yandı. Fiolent rayonında urulğan UUA yıqılğanından şahsiy ev ve orman alanı yandı. Fiolent şossesi rayonında urulğan UUAniñ viraneleri sebebinden ot ve sanayı binalarından biri yandı. Vaqia yerinde mahsus hızmetler çalışa. Vakulençuk soqağında bir qaç mesken evniñ pencereleri yıqıldı, 8 maşina ise urulğan UUA parçalarından zararlandı", — dep haberde qayd etildi.
"Qırım yeli" resursınıñ malümatına köre, Razvojayevniñ aytqanı sanayı müessisesi AMSnıñ tamirlevinen oğraşa.
"Sevastopoldaki Almaz-Antey" VKO konserni istisal-tehnikiy bazasına (servis merkezi) çevirildi ve AMS komplekslerini hızmet ve tamir ete. MerkeziRusiye Qara deñiz flotunıñ ihtiyaclarını qarşılap, arbiy-deñiz qaza tehnikanıñ azırlığını temin ete ve 2016 senesinden berli çalışa. İmzacılar binanıñ üzerinde eñ azından beş uçaqsız uçaq aleti tüşkenini qayd eteler", — dep haberde aytıla.
Ukrayina tarafı malümatnı şimdilik izaatlamadı.
Bundan ğayrı, "Qırım yeli" Keriç ve Canköy rayonında patlavlar aqqında haber etti. "Ateş" partizan areketi Rusiye Federatsiyası Qara deñiz flotunıñ REB 475 merkeziniñ kelgeni aqqında haber etti.
Rusiye Mudafaa nazirliginiñ malümatına köre, Azaq deñizi üzerinde 18 dron ve Qara deñiz üzerinde 7 dron yoq etildi.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
