Türkiyeniñ İzmir limanında sanktsiyalar altında bulunğan GRUMANT gemisini qabul etmege red ettiler. Evel o, işğal etilgen Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) ububatnen yüklengen edi.
"Barıştırıcı" Merkeziniñ SeaKrime leyhasınıñ jurnalisti Katerına Yaresko Facebookta bu aqqında yazdı.
Onıñ malümatına köre, GRUMANT gemisi (IMO: 9385879) işğal etilgen Feodosiyada (Kefede) ububatnen yüklengen soñ kiçik aynıñ 23-nde Türkiyeniñ İzmir limanına yaldap keldi, amma üç afta devamında o qabul etilmey edi ve Mağripniñ Kasablanka limanına yaldap ketmege qarar aldı.
"Türkiyege teşekkür bildirmek sebebi bar! İşğal etilgen Feodosiyada (Kefede — terciman) yüklengen GRUMANT (IMO: 9385879) 23.02 tarihında İzmirge keldi, üç afta turıp, limanda yükü qabul etilmedi ve şimsi o, Kasablanka limanına yol aldı. Mağrip onı qabul etilmese, pek yahşı olur", — dep Yaresko yazdı.
Ukrayina Mudafaa quvetleriniñ Baş istihbarat idaresiniñ malümatına köre, Rusiye ububatnı vaqtınca işğal etilgen topraqlardan, şu cümleden Sevastopoldan (Aqyardan) hırsızlağanda GRUMANT (IMO: 9385879) gemisini sıq qullana. O, Ukrayinanıñ VİETdan ukrayin ububatı, malzemelerini alıp çıqarmaq içün yalandırıcı gemi ameliyatını (spufing, AISGemilerniñ avtomatik identifikatsiya sisteması — gemiler aqqında bilgilerni avtonatik şekilde almaq içün qullanılğan halqara VHF sistemasınen yapılğan areketler) qullana, em de, hususan İstanbul boğazında yaldağanda (IMO raqamı ve geminiñ adınıñ qısmını gizley), geminiñ aqiqiy identifikatsiya bilgilerini gizley
"2024 senesi kiçik aydan gemi bir qaç reys yapıp, vaqtınca işğal etilgen Sevastopol (Aqyar — terciman) şeerinden Süriyeniñ Tartus ve Latakiya limanlarına eñ az 78 million tonna ububatnı alıp ketti. Ububatnıñ yollayıcısı, 2022 senesi kiçik aynıñ 3-nde teşkil etilgen ve ububat ticaretinde mütehassıs olğan "Pallada" Rusiye şirketidir, Süriye devlet şirketi — The Syrian General Organization for Trading, Storage and Processing of Grain tarafından qabul etile. 2024 senesi ilk qış ayınıñ 17-31 künleri gemi vaqtınca işğal etilgen Feodosiya limanında ububatnı yüklep, Mısırğa alıp ketti. 2025 senesi boş aynıñ 25-nde Ukrayinağa bu gemige qarşı sanktsiya kirsetti", — dep Bİİ War&Sanction saytında haber berdi.
Hatırlatamız ki, Ukrayina tış istihbarat hızmetiniñ malümatına köre, Rusiye Federatsiyası Ukrayinanıñ vaqtınca işğal etilgen topraqlarında yetişken aşayt mahsulatını muntazam sürette çıqara ve olarnı Rusiye ihracatı adı altında tış bazarlarda sata. Bu maqsatnen RF Azaq ve Qara deñizlerniñ işğal etilgen limanlarınıñ, hususan Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) deñiz limanınıñ astyapısını qullana. 2025 senesi devamında Ukrayina VİET-dan 2 million tonnadan ziyade aşayt mahsulatı çıqarıldı. Esas miqdarı ise, yılnıñ ekinci yarısında — tahminen 1,4 million tonna oldı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
