Ukrayina İçki işler nazirliginiñ Qırım topraq komandanlığınıñ eki sabıq arbiy hızmetçisine devlet hainliginde şübe bildirdiler. Olar 15 yılğa qadar apis cezasını ala bileler.
Qırım ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeeri prokurorlığı bunı bildirdi.
"Taqiqat malümatına köre, yarımada işğal etilgen soñ, qayd etilgen şahıslar arbiy antını bozıp, Rosgvardiya hızmetine keçtiler. Şübelengenlerden biri Rusiye İçki işler nazirliginiñ Şimaliy-Kavkaz bölge komandanlığınıñ strukturasında "ştab yolbaşçısınıñ muavini" oldı. Bundan soñ o, aynı vazifede hızmet etmege devam etti, soñra ise RF Milliy gvardiya ordularınıñ Federal hızmetinde "Cenübiy bölge brigadalarından biriniñ komandanınıñ muavini" oldı. Başqası ise Rosgvardiyanıñ Qırım Cumhuriyeti ve Sevastopol (Aqyar — terciman) şeerindeki baş idaresinde "askerlernen iş boyunca baş idaresiniñ yolbaşçısınıñ muavini" vazifesini aldı", — dep haberde qayd etildi.
Prokurorlıq qayd etti ki, Ukrayina Anayasasınıñ 62-nci maddesine binaen, şahıs cinayet işlegeninde qabaatsız sayıla ve qabaatı qanuniy şekilde isbatlanıp, mahkeme qararınen belgilenmegence, cinaiy cezağa oğratılmay.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
