USQniñ mahsus operatsiyalar quvetleriniñ Middle-strike bölükleri "Hersones" arbiy ava limanı ve Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) radioelektronik küreşniñ generatorı ve kommutatsiya stantsiyasına ücüm etti.
Mahsus operatsiyalar quvetleriniñ Facebook saifesinde bu aqqında haber etildi.
"Hersones" ava limanındaki MTZ yadağı, işğal etilgen Sevastopoldaki duşman radioelektronik küreş ve radioelektronik istihbarat stantsiyalarınıñ generatorı ve komöutatsiya stantsiyası muvafaqiyetnen zararlandı", — dep haberde qayd etildi.
Bundan ğayrı Zaporijjâ vilâyetiniñ işğal etilgen toprağındaki bir sıra obyektlerge ücüm etildi.
Hatırlatamız ki, işğalli Sevastopol (Aqyar) akimiyeti saban ayınıñ 16-nda gece ukrayin dronları ücüm etkenini bildirdi. Rusiye Mudafaa nazirligi Qırımda üç ukrayin dronı tüşürilgeni aqqında bildirdi, "Qırım yeli" nezaret Telegram kanalınıñ analitikleri ise, Rusiye arbiy hızmetçileri yerleşe bilecek Arabat beli rayonındaki pansionatlarda yanğınnı qayd etti.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
